الفنانة المصرية هدي المفتي تفاصيل جديدة حول حياتها لأول مرة

ثقافة وفن

اليمن العربي

في الحلقة السابقة   للإعلامية مني الشاذلي التي استضافت  الفنانة المصرية هدي المفتي   وكشفت خلال الحلقة تعرضها لازمة صحية  بعد تعافيها من كورونا.

 الفنانة المصرية هدي المفتي تفاصيل جديدة حول حياتها لأول مرة

 

وتحدثت هدى المفتي خلال الحلقة عن تفاصيل الأزمة الصحية التي تعرضت لها، قائلة: "رجعت من مهرجان الجونه بكورونا، وكانت لسه كورونا في الأول وكنت من أول الناس اللي يجيلها في مصر ومكنتش عارفة إيه اللي يحصل".

وتابعت هدي المفتي: "طبعا مخدتش أدوية سيولة لما جالي كورونا فجالي جلطة في الوريد اللي بيوصل الدم للأمعاء ومعرفتش، هو بس كنت بحس بأعراض معينة وبحس بحرقان غريب، وكنت فاكرة في حاجة في القلب عندي وعملت رسم قلب بس مطلعش في حاجة".

وأضافت هدى المفتي: "فى رأس السنة سافرت أنا وصديقتي لأسوان وفجأة تعبت تعب مش طبيعي وجع مؤلم، ورجعت القاهرة بطيارة بسرعة، وتبهدلت ولولا صحبتي كان حصلي حاجة وهي كانت تساعدني في كل حاجة".

واستكملت هدى المفتي: "دخلت المستشفى في القاهرة والدكاترة مش عارفين أنا عندى إيه وعملت أشعة وكل حاجة ومش عارفين وبطنى بتتنفح ووجع وألم غير طبيعى، وقرروا يفتحوا بطنى ولما فتحوا طلع عندى جلطة في الوريد اللى بيوصل الدم للأمعاء، وبسبب إنه متعالجش عمل غرغرينة في جزء من الأمعاء، فقررا يستأصلوا الجزء ده، وكانت عملية كبيرة وفضلت فترة طويلة في العناية المركزة أكتر من شهر ومنعوا عنى الأكل والماء".

تصدرت الفنانة هدى المفتي محركات البحث وصفحات التواصل الاجتماعي، على إثر ظهورها في برنامج معكم منى الشاذلي الذي يعرض على شاشة قناة CBC، وتداول قطاع عريض من جمهورها ومتابعيها، التصريحات التي أدلت بها عن حياتها الفنية عمومًا وحياتها العاطفية بشكل خاص.

وحققت هدى المفتي في موسم عيد الأضحى 2022 نجاحًا كبيرًا، لظهورها في ثلاثة أفلام مع عدد كبير من النجوم، أبرزها مشاركتها بشخصية الراقصة نرجس في فيلم كيرة والجن مع كريم عبد العزيز وأحمد عز، وشخصية غالية في فيلم عمهم مع محمد عادل إمام، وشخصية ياسمين في فيلم بحبك مع تامر حسني وهنا الزاهد.

◄ أبرز التصريحات التي جاءت في برنامج معكم منى الشاذلي على لسان الفنانة هدى المفتي، وتصدرت «تريند» السوشيال ميديا من خلالها، وذلك في السطور التالية

 

- أرفض التدخل في حياتي الشخصية وأكره الأسئلة المزعجة عن حياتي.

- فكرت في الابتعاد عن التمثيل بسبب مضايقات السوشيال ميديا.

- غير مرتبطة عاطفيًا في الوقت الحالي.

- كان هناك حب من طرف واحد في فترة من الفترات، سواء حبيت من طرف واحد، أو اتحبيت من طرف واحد كذلك.

 

- لا يوجد مواصفات محددة لـ فتى أحلامي.

- آخر ما يهمني في الرجل هو طريقة ملابسه أو مظهره وشكله، الأهم الروح والأخلاق.

- أنا رومانسية وحساسة جدًا.


- أحب الشخص بعيوبه كما هي، ولكن أرفض أن ينتقدني بطريقة بها تكسير فيّ.

- لا أحب الرجل الذي يُعجب بأي امرأة.
كشفت الفنانة الشابة هدى المفتي عن أحوالها العاطفية، وذلك بعد نشر العديد من الشاعات التي أفادت ارتبطاها عاطفية بمطرب الراب "ويجز".

وأوضحت هدى المفتي خلال لقائها الخاص ببرنامج "معكم" مع الإعلامية الكبيرة منى الشاذلي، وقالت: "مبحبش حد يتدخل في حياتي.. أو يسأل في تفاصيل شخصية، بحب أحط ستوريهات وصور وحاجات أحيانا يبقى محدش فاهمها وأنا بس اللي فاهمها".

وتابعت: "بحب يبقى فيه حاجات عن شغلي أكتر.. مبحبش حد يتدخل في حياتي، ولا يتدخل بطريقة غير لائقة، أو أتسأل أسئلة شخصية".

وردا على سؤال الإعلامية منى الشاذلي: "زى إيه الأسئلة.. مرتبطة ولا لأ؟" قالت هدى المفتي: "مش هحكي حاجات خاصة، أو تفاصيل الشخص اللي مرتبطة بيه أكيد، معنديش مواصفات فيه صفات، وفيه فرق كبير، مواصفات بتتكلم عن الشكل، والشكل آخر حاجة أفكر فيها، لأن الحاجة من بره مبتتقريش، ومبيفرقش معايا الشكل نهائي، لا ده ولاده، يفرق معايا الإنسان بشكله وروحه".

يذكر أن هدى المفتي علقت لأول مرة على أنباء ارتباطها بمغني المهرجانات ويجز، وذلك في حلقة اليوم من برنامج رامز موفي ستار، حيث تقع فيها ضحية المقلب في الموسم الرمضاني الحالي.

وفي مقابلة صحفية ضمن خطة مقلب رامز موفي ستار، ردت هدى المفتي على سؤال حول حقيقة ارتباطها بـ ويجز، قائلة للمُحاور الذي يسألها: "متسألنيش أنا.. اسأله هو".

وانتشرت شائعة ارتباط هدى المفتي وويجز عقب طرحه أغنيته الناجحة "البخت"، وظهورهما سويا في مناسبات مختلفة، وعملهما في مسلسل "بيمبو" الذي عرض على شاهد مؤخرا.

سأل أحد متابعي ويجز عن رأيه في الشائعات التي تخرج عليه من حين لآخر عبر خاصية ستوري على "انستجرام"، ورد الأخير ناس كتير خيالها واسع وأنا بالي طويل قوي.


كشفت الفنانة الشابة هدى المفتي، تفاصيل الأزمة الصحية التي تعرضت لها وإصابتها بجلطة واستئصال جزء من الأمعاء بعد إجراء عملية جراحية كبيرة.
وقالت هدى، ببرنامج "معكم منى الشاذلي": "أنا من الناس اللي رجعت من الجونة بكورونا، خلصت كورونا وما أخدتش أدوية سيولة، فحصل لي جلطة بعدها بكذا شهر، ومعرفتش بيها".

وتابعت: "الجلطة كانت في الوريد اللي بيوصل دم للأمعاء، وكنت بحس بحرقان وحاجات غريبة ونومي غريب، وكنت فاكرة أن عندي حاجة في القلب، وعملت رسم قلب لقيت مفيش حاجة".

واستكملت: "وفي رأس السنة كنت مسافرة مع واحدة صاحبتي إلى الأقصر وأسوان، وفجأة هناك تعبت تعب مش طبيعي، ووجع مؤلم في حياتي مشوفتهوش، وكنا في مركب وعلقوا لي محاليل، واتبهدلت، ولولا صاحبتي كانت معايا مكنتش هبقى موجودة، وكانت بتديني الدواء".

وأوضحت: "قطعت الإجازة ورجعت القاهرة بطيارة، دخلت المستشفى والدكاترة مفيش حد عارف أنا عندي إيه وبطني عمالة تتنفخ، وأنا مكنتش فاهمة، وقرروا يعملوا عملية، وقولتلهم مفيش مشكلة افتحوا بطني، بس عايزة أخلص من اللي أنا فيه".

وتابعت: "الجلطة كانت في الوريد اللي بيوصل دم للأمعاء وبسبب عدم معالجته بسرعة عمل غرغرينا في الأمعاء، وتم استئصال جزء من الأمعاء، والعملية كانت كبيرة وقعدت في العناية المركزة شهر وشوية، وكان ممنوع الزيارة والأكل، اتبهدلت أوي، وكانت تجربة وحشة أوي، وعلمتني حاجات وخلت يبقى عندي أولويات معينة، وبدأت أفكر في حاجات بحياتي، خلاص لازم تتلغي، وعلاقتي بربنا اتحسنت أوي بعد الموضوع ده".

واستكملت: "كنت في الأوضة 24 ساعة عيانة، وأختي الكبيرة بس اللي كان مسموح لها تدخل الأوضة، ومن كتر الأدوية، كنت بنسى اللي بره دول مين؟، عارفة العيون بس مش فاكرة الاسم إيه".

وأضافت: "التجربة كانت عميقة، اللي بقوله ده السطح، بس بجد مبحبش أتكلم فيها، عشان في ناس ممكن تقول إني عايزة أكسب تعاطف الناس، وأنا أخر واحدة تعمل كده، واتعلمت أن أي حاجة ولها أخر، السعادة مؤقتة والوجع مؤقت، وكل حاجة مؤقتة، أنا حاليا واخدة إجازة مابعملش حاجة غير إني أشتغل ومركزة في صحتي النفسية".

وأنهت حديثها: "أنا قافلة على نفسي شوية سنة كدا بتعافى من أي علاقة قديمة، علاقة صداقة سامة، علاقة عاطفية سامة، عمل قدمته محققش النجاح اللي مستنياه، وأشتغل على مستقبلي، واقرأ واشتغل على نفسي كروح وإنسان، فقررت ما أركزش مع حاجة غير نفسي".