الفنان المصري أمير كرارة يكشف أسباب عدم اشتراك شقيقه في أفلامه ومسلسلاته
أكد الفنان أمير كرارة، أن فراق والده ووالدته "أمر صعب للغاية"، وترتب عليه تغير شكل الحياة بالنسبة له\.
وقال كرارة خلال حواره ببرنامج "حبر سري" مع الإعلامية أسما إبراهيم، على قناة "القاهرة والناس" المصرية: "أبويا كان حاجة تانية خالص، وموته هو وأمي صعب.. بس موت والدي كان شديد قوي وصدمة كبيرة قوي وكسرت ضهر قوي".
وأشار إلى أن علاقته قوية بشقيقه "أحمد"، ولا يقف أمام مسيرته الفنية.
وذكر "كرارة" بشأن مسيرة شقيقه الفنية: "اللي بعمله جدعنة مع أخويا، وهو عارف كده كويس وأنا وهو قريبين قوي من بعض وهو شغال كويس وجاله مسلسلات كتير وأتمنى إنه يبقى أحسن مني مليون مرة".
وأكمل "كرارة": "أحمد ده علاقتي بيه قوية، هو أخويا الكبير وحبيب قلبي، وفى شغل تاني لنا مع بعض وهو المسؤول عنه مش أنا. لكن في حتة التمثيل هو مقتنع إننا ما نشتغلش مع بعض وعمره ما طلب مني كده وهو راجل فاهم إننا منطلعش مع بعض عشان محدش يقول بياخذ أخوه معه فى كل حاجة".