شاهد.. الفنان المصري يحيى الفخراني يكشف تفاصيل اَخر مكالمة مع محمود عبدالعزيز

ثقافة وفن

اليمن العربي

تصدر اسم الفنان المصري الكبير يحيى الفخراني، الأربعاء، محركات البحث بعد ظهور تلفزيوني نادر.

 

وحلّ يحيى الفخراني ضيفا على البرنامج المصري الشهير "صاحبة السعادة" الذي يذاع على قناة "دي إم سي"، وتحدث عن زميله الراحل الفنان محمود عبدالعزيز، كما كشف عن جزء من حياته الخاصة وأعماله الفنية المقبلة.

 

وروى الفنان الكبير تفاصيل آخر مكالمة جمعته بالفنان محمود عبدالعزيز، الذي رحل عن عالمنا في 12 نوفمبر/ تشرين الثاني 2016 بعد صراع مع المرض عن عمر ناهز 70 عاما.

 

وقال: "أنا كلمت محمود قبل ما يتوفى، وقالي أنا موجوع جدا، وعايز أموت مش عايز أبقى كويس، وقولتله متقولش كدا لازم تقاوم، وأنا عارف أن دا كله خلاص ملهوش لازمة، وحسيت أنه هيتوفى".

 

كما تحدث عن كواليس فيلمه "خرج ولم يعد" الذي طرح في عام 1984، مشيرا إلى أنه كان من أصعب الأفلام الذي قام بتمثيلها خلال مسيرته السينمائية.

 

وقال "الفيلم كان صعب عليا أوي، عشان مشهد الفار اللي في السجن، وأنا مش بحب الفئران خالص والمخرج قالي الفار هيمشي قدام وشك ساعتها مكنتش عارف أعمل إيه، وشديت معاه وقولتله مش هعمله، وقالي المشهد مش هينفع يتلغي ولما شغلوا الإضاءة الفار مات قولتلهم شوفتوا بقى ربنا مش عايز المشهد".

 

وعن كواليس فيلم "المتشردان"، قال إنه قرر عدم المشاركة في أي فيلم من بعده، مضيفا: "قررت مش هعمل سينما بعد المتشردان بس حد بعتلي سهرة تلفزيونية الرهان وقولت آخرتها أعمل سهرة تلفزيونية، بس أول ما قريت عجبني جدا، وكلمت المخرج وقولتله أنا هشتغل معاك، وفعلا نجحت جدا وكان قرار مناسب".

 

وعن فيلم "الكيف" الذي طرح في عام 1985، قال: "قررت قبل فيلم الكيف أشوف مشاهد انسحاب المخدرات من الجسم في الحقيقة، وفعلا قابلت بنت جاتلي مخصوص، وقعدنا مع بعض طول اليوم، ولحد 3 الفجر بدأت أعراض الانسحاب وشوفت كل حاجة، وشوفت الإفرازات، وهي بتطلع من فمها".

 

وأضاف: "في فيلم الكيف جسدت كل اللي شوفته في الحقيقة، ورفضت أحط مكياج في الفيلم بس إيدي اتهزت في المشهد بتاع الانسحاب، ومقدرتش أعيده تاني في نفس الوقت لأنه كان صعب".