كشفت الممثلة الكوميدية في "إربت تنحل" باتريسيا داغر عبر "فيسبوك" ماذا يحدث مع "عروس المستقبل" بعد زواجها.
وقالت: "لازم تعرفي قبل ما تقولي نعم انو كل شي بحياتك رح يتغير يعني:
- بدل ما توعي وحدة الضهر وتنامي 5 الصبح بتصيري توعي 5 الصبح وتنامي وحدة الصبح.
-الـshopping تبعك بدل ما يكون تنورة وشورت وساك وشوز.. رح يصير بطاطا وخيار وخس وموز.
-الـteinture والـbalayage رح يصيروا peinture و coloriage.
-الحواجب والموستاش والـcire بـcire نتف طبيعي بس بصيب جلدة الراس اكتر من الاماكن الاخرى.
-الكعب العالي بصير لبنتك تكسرو .
-الـmakeup اذا لقيتي شي مش مكسر بتضبي وبتنسي وين حاطتي بس للامانة بترجعي بتلاقي بس تخلص موضتو.
-الـbabydoll بعد اول شهر رح يdoll عالتتخيتة.
-الـshower بصير sho5minutes.
-عطرك المفضل بصير داوني.
-اهم ممثلة عندك بتصير دورا بدل انجلينا واهم فيلم frozen.
-الـbestfriend مرت الدكنجي.
-اروع ضهرة الـparc .
-اجمل احساس السكوت.
-اطيب لقمة اللي بتلميا عن الارض لان الك ما الك جلادة تلفي.
-وهدف حياتك الاول والاخير هو النوم.
وبليز ما تسألي امك عن الموضوع لأن اكيد رح تنكرو احلى ما تلبصي بخلقتا. اصلا اصلا لو قالتلك مزبوط مش رح تردي عليا".