السيسي: أرسلنا غواصة للبحث عن حطام طائرة مصر للطيران
رويترز
وفي أول تصريحات عامة له عن حادث تحطم الطائرة قال السيسي إن جميع الفرضيات لا تزال مطروحة وطلب عدم المسارعة بالقفز للنتائج.
وأضاف أمام وزراء وأعضاء في البرلمان أثناء افتتاح مصنع للسماد في محافظة دمياط الساحلية "فيه معدات للبحث تحركت النهاردة. يعني مش سر ولا حاجة إني أقول كده.. من وزارة البترول عندها غواصة تقدر تصل لمسافة 3 آلاف متر تحت سطح الميه دي تحركت النهاردة في اتجاه منطقة سقوط الطائرة علشان إن احنا بنسعى جاهدين إلى انتشال الصندوقين اللي هما.. الصندوق الأسود وده بيبقى فيه بيانات وبيبقى فيه تسجيلات بتساعد بنسبة كبيرة جدا جدا لمعرفة أسباب سقوط الطائرة."
وأضاف أن البحرية المصرية عثرت على قطع من حطام الطائرة وأمتعة الركاب وبعض الأشلاء الطافية على المياه على بعد 290 كيلومترا تقريبا شمال الإسكندرية لكن عمليات البحث لا تزال مستمرة عن الصندوقين الأسودين للطائرة اللذين من الممكن أن يوفرا أدلة مهمة عن سبب تحطم الطائرة.
واستكمل السيسي قائلا "مهم قوي إن إحنا نبقى عارفين إن مفيش فرضية معينة ممكن دلوقتي نجزم أنها حدثت وأنا بانتهز الفرصة دي وإحنا موجودين وبنتكلم سوا ده كان للإعلام المصري أو الخارجي. من فضلكم حتى الآن كل الفرضيات محتملة وبالتالي من فضلكم مهم جدا إننا منتكلمش ونقول فيه فرضية معينة."
وقال محققون فرنسيون أمس السبت إنه بعد وقت قصير من اختفائها من على شاشات الرادار أرسلت الطائرة سلسلة من إشارات الاستغاثة تؤكد تصاعد دخان من على متنها.
ولم تشر إشارات الاستغاثة إلى سبب الدخان المتصاعد أو الحريق لكنها تقدم مؤشرات مبدئية بشأن ما حدث في الدقائق التي سبقت تحطم الطائرة.