حقيقة النصب علي راندة البحيري
نشرت الفنان المصرية راندا البحيري عبر موقع التواصل الاجتماعي " انستجرام " صورة لها معلقة عليها قائلا "نزلت البوست ده قبل كده. و اللي حصل انهم ولا اهتموا ولا فرق معاهم حاجه ولا حاولوا يجيبولي حقي. فانا هنزل البوست تاني و تالت و رايع و هقول لكل واحد اللي حصل معايا منهم. المعادي ڤيو الشروق. عملوا من فتره قصيره event كبير جدا. وطلبوا من جنات انها تحيي الحفله و اني اكون موجوده ك ضيفه شرف للحفله.
وتابعت راندا "وأكيد فيه مقابل مادي ل ده. انا سبت شغلي و كان سفر وقطعت السفر ده و نزلت اعمل لهم دعايه ل منتجهم. و فهمت كويس عن المشروع و اتكلمت عنه في اكتر من محطه تليفزيونيه و استغلوني في جميع دعاياتهم و استغلوا وجودي و اسمي و بعد ما الشغل خلص. اختفوا و مدوليش حقي المتفق عليه .
وأضافت راندا"عايزه اعرف هل الوسيط اللي بيني و بينهم هو السبب و هو اللي نصب عليّ. ولا هم شخصيا. لانهم لو عملوا حركه زي كده و نصبوا علي ممثله ليها اسمها. يبقي هيعملوا ايه في البني آدمين اللي اشتروا و اللي هيسلموهم شققهم المفروض؟؟؟؟ عموما انا منزله البوست ده علشان عايزه اعرف هل الوسيط هو اللي سرقني. و لا هم شخصيا. و مستنيه رد منهم. لان مفيش حد فيهم بيرد علي تليفونه. و ان شاء الله خير.