ميرنا وليد بعد ظهور مثير للجدل: "الناس اتصدمت ومراكز التجميل كلموني"

تحدثت الفنانة المصرية ميرنا وليد عن إطلالتها الأخيرة خلال حلولها ضيفة في برنامج "كلام الناس" تقديم ياسمين عز، عبر قناة إم بي سي مصر.

وتحدثت ميرنا وليد خلال اللقاء عن جلسة التصوير الأخيرة لها على البحر، والتي ظهرت خلالها ببشرة ناصعة البياض وأشعلت مواقع التواصل الاجتماعي قائلة: "بشكل عام يمكن قليل أوي لما بلبس فساتين، يمكن الناس قليل لما بتشوفني لابسه فساتين، بطبيعتي بلبس جينز وتي شيرت، والناس ما عرفش ليه توقعوا علشان أنا غايبة بقالي فترة إني لازم أرجع كبيرة جدا في السن".

واستكملت ميرنا وليد حديثها: "في ناس قالت على الصور إنها من 20 سنة، وإني محتفظة بالصور ونزلتها، وأنا طبعا ضحكت".

وتابعت: "انتوا ليه متوقعين إني دا مش شكلي وإني قعبرت، وهل الناس شافتني قبل كده في أي عمل حاطة دقيق على جسمي، وهل أنا من أول (الراعي والنساء) لحد النهارده، شوفتوني كنت سمراء أوي، وبعدها لقيتوني عاملة سيشن بيضاء، بس يمكن علشان كنت مش بلبس فساتين".

وأكملت: "الناس اتصدمت، ومراكز التجميل كلموني عايزني أقول إني رحت عندهم، وقالولي تاخدي كام وتيجي عندنا وتعملي اللي انتي عايزاه فري".

يذكر أن آخر أعمال الفنانة ميرنا وليد التلفزيونية مسلسل "قيد عائلي" 2019، بطولة ميرفت أمين، عزت العلايلي، بوسي، صلاح عبدالله، كارولين عزمي، دينا فؤاد.